Duket se zyrtarisht kemi hyrë në stinën e lagësht të vjeshtës. Ditën e sotme qyteti i Elbasanit është goditur nga një stuhi ere e reshjet intensive në të gjithë zonën. Gazetari i Report Tv, Aldo Kozarja raporton se në qytet ka patur edhe reshje breshri e rrëshqitje dherash që kanë bllokuar rrugët. Po ashtu raportohet se nga erërat e forta janë shkulur edhe disa pemë.
Edhe në qytetet e tjera të vendit ditën e sotme janë shtuar vranësirat dhe rrymat ajrore kanë qenë më të forta.
Ndërkohë sipas meto-alb pasditja e sotme shton vranësirat në jug dhe qendër të vendit duke sjellë shira të përkohshëm. Herë pas here do të ketë stuhi afat-shkurta të erës, më të theksuara në zonat bregdetare. Parashikohet që orët e vona të mbrëmjes të sjellin përmirësim gradual të kushteve atmosferike.
