“Më falni mama, po vdes … Nuk mund të marr frymë”, mesazhet e vajzës vietnameze nga brenda kamionit “arkivol metalik”
Mesazhet ishin dërguar përmes celularit, dy orë para se vajza të mbërrinte në Essex dhe pasi pagoi £ 30.000 £ për tu kontrabanduar në Britaninë e Madhe
Pham Thi Tra My i dërgoi nënës së saj një seri mesazhesh shqetësuese duke i thënë asaj se “e donte atë” dhe se po vdiste sepse nuk mund të merrte frymë.
Familja e saj pretendon se ka paguar te trafikantët 30,000 £ që të mundësonin udhëtimin e vajzës në Mbretërinë e Bashkuar përmes Kinës “në kërkim të një jete më të mirë”.
Mesazhet e saj të fundit me tekst u dërguan në 22.28 pasditen e të martës, dy orë para se kamioni të arrinte në Mbretërinë e Bashkuar.
Pham Thi Tra My i tha nënës së saj: ‘Më vjen keq, nënë. Udhëtimi im jashtë vendit dështoi. Mami, të dua shumë. Po vdes sepse nuk mund të marr frymë.’
Tridhjetë e nëntë persona, burra dhe gra, përfshirë një adoleshent, u gjetën të vdekur në një kamion në një park industrial në Essex.
Policia ka arrestuar me akuzën e vrasjes, drejtuesin e mjetit, një 25-vjeçar nga Irlanda Veriore si dhe një çift burrë e grua, edhe ata nga Irlanda e Veriut.
Policia e Essex ka sqaruar se për ngjarjen tragjike u njoftua nga një telefonatë e cila lajmëroi se një kamion i mbushur me njerëz qëndronte brenda parkut.
Shefi i Mbikëqyrësit të Essex, Andrew Marriner tha se automjeti mendohet se ka mbërritur nga Belgjika dhe hyri në Mbretërinë e Bashkuar nga Holyhead në Uells ditën e shtunë.
Ministria e Jashtme e Bullgarisë konfirmoi se kamioni është i regjistruar në qytetin bullgar Varna, në një kompani në emër të një gruaje nga Irlanda.
Ekspertët thonë se kontejneri ishte frigorifer, që do të thotë se temperaturat brenda mund të arrijnë -25 ° C.
