Në një letër dërguar Zyrës së Asamblesë Parlamentare të OSBE në Kopenhagen, Zyrës së Pranisë së OSBE në Tiranë dhe Drejtorisë së Protokollit të Shtetit të Ministrisë për Europën dhe Punët e Jashtme në Tiranë, kreu i shtetit argumenton se arsyeja e këtij refuzimi të takimit me Borchardin është: vënia në diskutim e ndryshimit të dekretit për zgjedhjet lokale si dhe ofendimi që zyrtari i OSBE-së u bëri banorëve të Astirit duke u nxjerrë gishtin e mesit në 13 tetor kur protestohej përpara Drejtorisë së Policisë së Tiranës.
Ditën e nesërme, Meta do të takohet me Lulzim Bashën dhe krerët e tjerë të opozitës jashtë parlamentit për të diskutuar për krizën kushtetuese, Reformën në Drejtësi etj.
Ambasadori i OSBE Borchardt është sulmuar ashpër nga PD-ja për qëndrimet e tij kundër opozitës. Ndërsa tashmë, edhe presidenti Meta del hapur kundër përfaqësuesit të BE-së në vendin tonë.
