Vasili shprehet se ambsadorët duhet të lexojnë dokumentet e jo vetëm ato që iu dërgon Edi Rama.
Postimi i Petrit Vasili:
Ne ndihme te nderkombetareve “te paditur”!?
Keta nderkombetaret a lexojne ndonje dokument vetë apo vetem ato qe ju con Edi Rama?
Meqe kolegu Eduard Halimi ka pasur miresine ta beje publik opinionin e Komisionit te Venecias per Gjykaten Kushtetuese, po e ndaj serish me ju se mbase e shohin edhe keta nderkombetaret dhe te pakten nuk e thone prap se u bene gazi i botes.
Lexoni o miq nderkombetare se nuk eshte turp.
Turp eshte te japesh keshilla dhe alibi antikushtetuese alla state capture!!
Më herët, Eduard Halimi publikoi një dokument, ku sipas tij, tregohet se Venecia e ka rrëzuar Edi Ramën për Kushtetuesen.
#nocoment
Strasburg, 14 Mars 2016
Opinion Nr. 824 / 2015
CDL(2016)009* Or. Shqip
KOMISIONI EVROPIAN PËR DEMOKRACI PËRMES LIGJIT (KOMISIONI I VENECIAS)
PROJEKT OPINIONI PËRFUNDIMTAR
PËR PROJEKT NDRYSHIMET E RISHIKUARA KUSHTETUESE PËR GJYQËSORIN
(TË 15 JANARIT 2016) TË SHQIPËRISË
Miratuar nga Komisioni i Venecias në Mbledhjen Plenare të 106-të
(Venecia 11 -12 Mars 2016)
në bazë të komenteve nga
Sergio BARTOLE (Anëtar Zëvendësues, Itali)
Znj. Hanna SUCHOCKA (Anëtare Poloni)
James HAMILTON (Ekspert, Ish anëtar, Irland)
Konstantin VARDZELASHVILI (Ekspert,
Ish Anëtar Zëvendësues, Gjeorgji)
Gjykata Kushtetuese
Gjykata Kushtetuese (GJK) përbëhet nga 9 anëtarë: 3 gjyqtarë emërohen nga Presidenti, 3 gjyqtarë nga Parlamenti dhe 3 nga mbledhja e përbashkët e Gjykatës së Lartë dhe Gjykatës së Lartë Administrative. Ky është model i pranueshëm: “emërimi i gjyqtarëve kushtetues nga institucione të ndryshme shtetërore ka avantazhin e mbrojtjes së emërimit të disa anëtarëve nga aktorët politikë”. Pjesëmarrja e KED në përzgjedhjen paraprake të kandidatëve që do të emërohen nga Presidenti dhe Parlamenti ul më tej rrezikun e emërimeve politike (neni 125).
Thënë kjo, zgjedhja e tre gjyqtarëve kushtetues nga Parlamenti me shumicë të zakonshme (krahasoni Nenin 125 me Nenin 78 p.1 të Kushtetutës) meriton vëmendje. Në përvojën Kushtetuese Evropiane, zgjedhja nga parlamenti e gjyqtarëve kushtetues shpesh mbështetet nga kërkesa për shumicë të cilësuar me qëllim që të sigurohet një zgjedhje e përbashkët me mbështetjen pluraliste të partive politike dhe jo vetëm nga shumica.
Kjo është veçanërisht e rëndësishme kur Presidenti dhe Parlamenti janë të një bindjeje politike dhe mund të emërojnë 2/3at e gjyqtarëve në të njëjtën kohë. Në rrethana të zakonshme, ky risk nuk është shumë i lartë, nisur nga dispozitat tranzitore për zëvendësimin gradual të gjyqtarëve të GJK në detyrë (shihni Nenin 179 p.1).
Megjithatë, duke pasur parasysh faktin që në GJK mund të hapen vende të tjera vakante, Komisioni i Venecias rekomandon prezantimin e një rregulli që kërkon shumicë të cilësuar për tre anëtarët e Gjykatës Kushtetuese që zgjidhen nga Parlamenti.
