Imami i xhamisë së Tabakëve dhe themeluesi i fondacionit jofitimiprurës “FIRDEUS”, Elvis Naçi, i njohur masivisht për shqiptarët për veprat e tij të bamirësisë, së fundmi është bërë edhe pronar i spitalit privat “Continental”.
Një pjesë të marrëveshjes së shitblerjes mes tre ortakëve të spitalit privat “Continental” dhe kryebamirësit Elvis Naçit, eshte publikuar dhe tregon se i cili ka paguar plot 350 mijë euro për të blerë spitalin privat.
Spas ekstraktit te QKB-së, imami Elvis Naçi është tashmë zyrtarisht pronar i spitalit “Continental”, ku trualli i përket Kryegjyshatës së Bektashinjve, ndërsa godina është e Imamit Elvis Naçi.
“Ortakët kanë rënë dakrod që të shesin 1 kuotë që përfaqëson 100% të kapitalit të zotëruar në shoqërinë Spitali Continental shpk…, një blerësi i propozuar nga Fondacioni FIRDEUS, me themelues dhe kryetar bordi Elvis Naçin… me çmimin 350 mijë euro.”- thuhet në ekstraktin zyrtar të QKB-së.
I paqartë mbetet fakti se me çfarë parash e ka blerë Naçi këtë biznes me një vlerë të konsiderueshme, duke qenë se fondacioni “FIRDEUS” është joftimprurës, ku paratë e grumbulluar nga ky fondacion burojnë nga donacionet e ndryshme nga shqiptarët për bamirësi tek shqiptarët.
Imami, në të njëjtën kohë dhe pronar i një spitali modern duhet t’ju shpjegojë së paku, shqiptarëve të cilët kanë bërë dhurime të ndryshme në fondacionin e tij se si e siguroi ai një shumë kaq ‘stratosferike’. A përdori paratë e tyre si burim investimi dhe nëse po a do të funksionojë më paskëtaj ‘Continental’ si spital privat?!
