Aurel Lala dhe Alesio Cakoni, të dëmtuar nga tërmeti i të martës, sipas ministres së Shëndetësisë, kishin kërkuar që t’i vizitonte kryeministri për të lehtësuar dhimbjen nga trauma që përjetuan edhe pse ende nuk e dinë se kanë humbur njerëzit e tyre të afërt.
10 vjeçari Alesio Cakoni ka humbur babanë dhe motrën ndërsa sipas dajës së tij ai gjatë momentit të tërmetit është hedhur nga kati i pesët I pallatit dhe që fatmirtësisht është gjallë.
Ndërsa Aurel Lala ka humbur motrën nga tërmeti, nëna është lënduar lehtë, ndërsa babai ishte emigrant në Greqi dhe u kthye sapo mori vesh lajmin.
Dy histori prekëse që kanë tronditur edhe kryeministrin, I cili u përlot në momentin që doli nga spitali.
Gjatë vizitës njëri prej fëmijëve I bëri kryeministrit dhuratë një çokollatë.
