Ai theksoi se rasti i qytezës së Kodonjës në Itali, vend ku u diagnostikua pacienti zero, që pasoi me shumë të tjerë në efekt zinxhir dhe rasti i Kinës, vendi i origjinës së COVID-19, ku masat qenë drastike, duke futur në karantinë miliona njerëz, vërtetoi faktin se izolimi dhe kufizimi i lëvizjeve është faktori kryesor për të shmangur përhapjen e virusit.
Z. Troci theksoi se ky virus, përhapet më shpejt me anë të prekjes se sa frymës, ndaj është shumë e rëndësishme larja e shpeshtë dhe e vazhdueshme e duarve.
“Në këtë moment në Lombardi janë krijuar disa spitale për coronavirus, ndërsa spitalet për qytetarë e tjerë është tentuar të mbahen të pastër, ndërkohë që shumë të tjera trajtojnë vetëm persona me COVID-19.
Kjo sëmundje transmetohet me piklat e pështymës. Për mjekët që merren me këta pacientë, maskat duhet të jenë specifike. Është më e rëndësishme prekja, ambienti se sa ajri në përhapjen e këtij virusi”, tha ai./euronews
