Kryeministri Edi Rama ka firmosur vendimin për të nisur fazën e parë të rindërtimit pas tërmetit në arsim, ku do të përfshihen 59 shkolla të reja, godinat e reja të të gjithë konvikteve të Universitetit Bujqësor dhe 4 godina të reja konviktesh në Qytetin Studenti.
Rama thekson se koronavirusi nuk do të ndal projektet për rindërtim të shtëpive, shkollave dhe spitaleve që u rrënuan nga tërmeti i 26 nëntorit.
“Sapo u firmos Vendimi i Këshillit të Ministrave, për financimin e parë të Programit të Rindërtimit për Arsimin.
–59 shkolla të reja
– godinat e reja të të gjithë konvikteve të universitetit bujqësor
– 4 godina të reja konviktesh në qytetin studenti
#FuckingCorona nuk do t’i ndalë as do t’i zvogëlojë planet ambicioze të jetësimit të Programit të Rindërtimit të Shtëpive, Shkollave, Spitaleve e Qendrave Shëndetësore që u rrënuan nga tërmeti i 26 nëntorit’, shkruan Rama.
