Monitorimi me dron nga policia/ Rritet ndjeshëm numri i gjobave për qytetarët në 24 orë

Pas situatës që po kalon vendi me COVID-19, qeveria nga dita e djeshme ka zgjeruar fashën orare deri në 17:30 për të mos penalizuar qytetarët që kthehen për në shtëpi pas mbarimit të punës.

Gjithashtu iu jep më shumë kohë, deri në 90 minuta qytetarëve për të kryer shërbimet në banka apo shlyerjet e detyrimeve mujore.

Nga dita e djeshme, sic është thënë edhe nga Ministri i Brendshëm, Sandër Lleshaj pas zgjerimit të fashave orare njëkohësisht do ashërsohen masat, duke nxjerr në patrullim edhe ‘policët’ digjital, pra bëhet fjalë për drone që gjurmojnë qytetarë të cilët kanë thyer karantinimin, duke dalë nga banesat e tyre pas orës së kufizimit.

Monitorimi i shkelësve me dron ka bërë që të rriten ndjeshëm numri i gjobave të vëna për qytetarët.