Pashkët janë festuar ndryshe në të gjithë botën për shkak të pandemisë së koronavirusit.
Grekët në çdo cep të vendit kanë përjetuar momente të pashembullta, që do i mbajnë mend gjatë në jetën e tyre.
Kishat u mbyllën dhe Drita e Shenjtë nuk u shpërnda nëpër shtëpi, kështu që besimtarët dolën në ballkone dhe tarraca me qirinjtë e tyre, për të shkëmbyer dëshirat dhe për të thënë “Krishti u ringjall” me të afërmit dhe fqinjët e tyre, nga apartamentet ngjitur. Shumica e tyre dëgjuan Liturgjinë Hyjnore në televizionet e tyre.
“Krishti u ringjall” u shoqërua këtë vit nga dëshira për të qëndruar në shtëpi në një ditë të tillë të vitit me familjet dhe të dashurit.
Mesazhi i Ngjalljes, nga kullat e kambanave të tempujve të Athinës, u ndriçuar nga fishekzjarret shumëngjyrëshe.
Pavarësisht të gjithave, Ringjallja e këtij viti kishte një kuptim më të thellë dhe një simbolikë të veçantë, pasi të gjithë jemi duke pritur që kjo krizë të tejkalohet në mënyrën më të padhimbshme.
