Si thoni për një gjellë me patate dhe bizele?
Receta e mëposhtme do ju ndihmojë ta përgatisni:
Përbërësit:
2 qepë të grira imët
2 patate të prera kubikë
300 gramë mish qengji
3 domate mesatare të grira imët
100 gram bizele
4 gota ujë
1 lugë çaji me kripë
2 lugë gjelle vaj luledielli
Përgatitja:
Në një tenxhere me vaj skuqim qepën. Pasi të jetë vyshkur i shtojmë mishin e larë mirë. E lëmë pak dhe pas 7-8 minutash i shtojmë domatet. Pasi të kenë lëshuar lëngun, i shtojmë patatet, bizelet, ujin dhe i lëmë të ziejnë për rreth 30 minuta.
Nga fundi i shtojmë kripën. Gjella me patate dhe bizele është gati!
Loading...
