Një aksident i rëndë ka ndodhur në aksin rrugor Elbasan- Tiranë, në fshatin Mamël, ku si pasojë e përplasjes së dy mjeteve kanë mbetur 3 të plagosur.
Sipas njoftimit të policisë, mjeti me targa EL8982 B me drejtues shtetasin A.Xh., është përplasur me mjetin me targa TR1388U me drejtues shtetasin B.M.
Si pasojë e aksidentit janë dëmtuar 3 shtetas, të cilët ishin pasagjerë në mjetin me targa El 8982 B, konkretisht shtetasit J.M., 27 vjeç, L.D., 20 vjeç, K.Gj. 5 vjeç, të tre banues në fshatin Katund i Ri, Elbasan, të cilët janë transportuar në Spitalin e Elbasanit për mjekim, jashtë rrezikut për jetën.
Grupi hetimor ndodhet në vendgjare dhe po punon për zbardhjen e shkakut të aksidentit.
Loading...
