Qëndrimi “dyfytyrësh” i Evropës ndaj çështjeve midis Turqisë dhe Greqisë rreth Mesdheut Lindor është i pakuptimtë, tha të enjten ambasadori i Turqisë në Francë, Ismail Hakki Musa, transmeton Anadolu Agency.
Duke folur në një panel për marrëdhëniet BE-Turqi të mbajtur përmes video-linkut, ambasadori Musa diskutoi lidhur me tensionet midis Turqisë, Francës dhe Bashkimit Evropian në lidhje me Libinë, Sirinë dhe Mesdheun Lindor.
“Turqia dhe Greqia duhet të trajtojnë vetë çështjet midis tyre pasi disa vende të tjera gjithashtu kanë probleme të tilla”, tha ai, duke theksuar se BE evropianizon çështjet midis Turqisë dhe Greqisë duke i çuar ato në agjendën evropiane sikur të ishin duke u përjetuar midis të dy palëve për herë të parë.
“Të gjitha aktivitetet e zhvilluara kundër Turqisë në Mesdheun Lindor janë në kundërshtim me ligjin ndërkombëtar”, theksoi Musa. Ai vazhdoi duke thënë se BE-ja imponon kërkesat e Greqisë ndaj Turqisë nën të ashtuquajturin unitet dhe solidaritet dhe nuk ka asgjë të pranueshme lidhur me këtë.
Sipas tij, BE-ja nuk ka autoritet të ndërhyjë në çështjet midis Turqisë dhe Greqisë. Greqia ka kontestuar eksplorimin e tanishëm energjetik të Turqisë në Mesdheun Lindor, duke u përpjekur të bllokojë territorin detar turk bazuar në ishujt e vegjël pranë bregdetit turk.
Turqia, vendi me vijën më të gjatë bregdetare në Mesdhe, ka dërguar anije shpimi për të kërkuar energji në shelfin e saj kontinental, duke thënë se Turqia dhe Republika Turke e Qipros Veriore (TRNC) kanë të drejta në rajon.
Dialogu për ndarjen e këtyre burimeve në mënyrë të drejtë do të jetë një fitore për të gjitha palët, thonë zyrtarët turq.
