Me këtë rrëfim paraprak, Balili ka “nxjerr zorrët” e gjithë veprimtarisë së tij kriminale, “butoni” i të cilës është Ilir Metaj, shtetari që e pajisi me post drejtues shteti në zonë, i fali truallin shtetëror për kompleksin “Santa Quaranta”, i dha miliona lekë tendera për bizneset, ndërsa nipin Rigers Balili, ia blindoi me mandat kryebashkiaku të zonës, si përfaqësues të LSI, partisë së familjes “Sheik”-e.
Vetëm pak orë pas “strehimit” në qeli, kanë filluar të dalin provat e para, të dëshmuara me vullnet të lirë, nga ish-drejtori i LSI, Kelmend Balili, njohur si “Eskobari”, që trafikonte miliona euro drogë në vendet e Ballkanit, të Azisë e BE, si burim pasurimi, për familjen presidenciale Metaj-Kryemadhi, një pjesë e të cilave, përdoreshin për fuqizimin e LSI, me blerje votash, për uzurpim mandatesh deputeti, kryebashkiakësh, këshilltarësh bashkiakë e këshilla Qarku.
Prova e parë, ka lidhje me takimet sekrete, që Ilir Metaj bënte me Klemend Balilin, në bazat e tij ilegale, ku presidenti, shkonte pas “menaxhimit” të takimeve, nga nipi kryebashkiak i Delvinës, vëllai i tij administrator i bizneseve “Balili Co”, avokati mbrojtës Dhori i (pa)drejtësisë dhe Ylli Manjani, fshehës i letrave greke, kur ishte ministër Drejtësie.
Në mbi 2 vjet arrati, Kelmend Balili është takuar 5 herë me presidentin Ilir Metaj, ndër të cilët, takimin e fundit e kanë zhvilluar në datën 26 gusht 2018, në kompleksin e pishinave në bregdetin e Sarandës, ku kanë qëndruar e drekuar 2 orë së bashku, pa persona prezent, pa telefona e mjete të tjetra vëzhgimi, apo komunikimi.
Nëse ju kujtohet, në datën 26 gusht 2018, Presidenti Ilir Metaj ka qenë për vizitë private në Sarandë, udhëtim i cili, nuk figuron në librat zyrtar, të shërbimit të sigurisë së personaliteteve shtëtërore, që ka Garda e Republikës, udhëruar për mos regjitrim, nga ish-ministri Fatmir Xhafaj, ortak pislleqesh “anti-Rama”, me presidentin.
Po në datën 26 gusht 2018, Presidenti Ilir Metaj, ka publikuar në rrjetet sociale dhe në faqet e tij elektronike zyrtare e private, një video relaksuese, duke notuar në pishinat e Sarandës, bërë pas takimit me Kelmend Balilin, ku ndoshta prej rezultatit të bisedës, çfaqet tepër i akzaltuar./Pamfleti
