Aksident me pasojë vdekjen ka ndodhur mëngjesin e sotëm në qytetin e Vlorës.
Në lagjen “10 Korriku”, një makinë tip “BMW” ka aksidentuar një kalimtar, i cili sipas burimeve të para sapo ishte kthyer nga pazari dhe kishte në dorë një qese me ushqime.
Këmbësori është transportuar menjëherë në spital, por ka ndërruar jetë duke mos i mbijetuar dot goditjes nga makina.
Sipas burimeve paraprake reth orës 07:50, automjeti tip BMV me drejtues shtetasin K.I. ka goditur aksidentalisht këmbësorin Q. L., 75 vjeç, banues në Vlorë, i cili është transportuar në Spitalin Rajonal në gjende të rëndë dhe më pas ka ndërruar jetë.
Policia ka shoqëruar drejtuesin e mjetit, shtetasin K.I., 35 vjeç, banues në Vlorë, me të cilin po punohet për sqarimin e rrethanave të ngjarjes.
Pamje nga vendi i aksidentit fatal.
