Aksident në rrugën hyrëse të Sarandës.
Ngjarja ka ndodhur në lagjen numër 1, ku një automjet tip “Range Rover” me targa AA055LT ka goditur një këmbësore.
Sipas raportimeve të para e reja ishte në gjendje të rëndë, por e vetëdijshme. Në vend kanë shkuar qytetarë të tjera për t’i dhënë ndihmë në pritje të ambulancës dhe policisë. Më pas forcat e policisë kanë shoqëruar drejtuesin e mjetit, teksa e plagosura është dërguar në spital.
Sarandë/Informacion paraprak
Rreth orës 19:12, në lagjen Nr.1, Sarandë, një automjet, me drejtues shtetasin K.B., 24 vjeç, ka aksidentuar këmbësoren me iniciale E. B., rreth 30 vjeçe, e cila është transportuar në spitalin e Sarandës për ndihmë mjeksore, jashtë rrezikut për jetën.
Drejtuesi i mjetit është shoqëruar në Komisariatin e Policisë Sarandë.
Në vendngjarje ndodhet grupi hetimor dhe po punon për zbardhjen e plotë të ngjarjes.
