Fax News ka siguruar dosjen e plotë të SPAK për operacionin në zonën e Manzës, që kulmoi ditën e djeshme me kontrollet e policisë.
Prokuroria e Posaçme Kunder Korrupsionit dhe Krimit të Organizuar mbi bazën e akteve të dërguara nga Drejtoria e Përgjithshme e Policisë së Shtetit, ka regjistruar procedimin penal nr. 130, të vitit 2023, për veprat penale “Provokim i luftes”, “Përgjimi i paligjshëm i të dhënave kompjuterike”, “Ndërhyrja në të dhënat kompjuterike”, “Ndërhyrja në sistemet kompjuterike”, “Keqpërdorimi i paisjeve” dhe “Grupi i strukturuar kriminal”, të parashikuara nga nenet 221, 293/a, 293/b/c dhe 333/a të Kodit Penal.
Nga hetimi rezulton se:
Më datë 18.05.2023, nga ana e oficerëve të policisë gjyqësore, në Njësinë “C”, Hetimi i Krimit Kompjuterik, pranë Departamentit të Policisë Kriminale si dhe oficerëve të policisë gjyqësore në Drejtorinë e Antiterrorit në Drejtorinë e Përgjithshme të Policisë së Shtetit, është referuar kallëzimi penal për veprat penale “Provokim i luftes”, “Përgjimi i paligjshëm i të dhënave kompjuterike”, Ndërhyrja në të dhënat kompjuterike”, “Ndërhyrja në sistemet kompjuterike”, “Keqpërdorimi i paisjeve”, tě parashikuara nga nenet 221, 293/a, 293/b/c dhe 333/a të Kodit Penal.
Nga ana e tyre, është referuar fakti se dyshohet se, nga organizata “MEK” (Organizata e Muxhahedinëve të Popullit të Iranit) nga territori i Republikës së Shqipërisë ka kryer sulme kibernetike ndaj Republikës Islamike të Iranit në disa periudha të ndryshme kohore, si dhe drejt disa institucioneve në shtetin Iranian. Duke qenë se statusi i qëndrimit të organizatës “MEK” në Shqipëri është humanitar, Republika Islamike e Iranit në vazhdimësi ka pretenduar duke ngritur këto dyshime si dhe në mënyrë të vazhdueshme kërcënon se do të ndërmarrë sulme ndaj Shqipërisë dhe organizatës “MEK”.
Po ashtu, Republika Islamike e Iranit ka kryer sulme kibernetike ndaj Republikës së Shqipërisë përpara disa kohësh, gjë e cila ka cënuar seriozisht sigurinë kibernetike dhe integritetin kibernetik të shtetit shqiptar.
Hetimi në lidhje me këtë procedimi ka filluar nga monitorimi i bërë i rrjeteve sociale nga Njësia “C”- Hetimi Krimit Kompjuterik, ku ka rezultuar se më datë 08.05.2023, në faqen e internetit me emërtimin “Anadolu Ajansi” dhe me adrese https://www.aa.com.tr/en/middle-east/irans-foreign-ministry- confirms-cyberattack-but-denies-leak-of-documents/2891575#/, është publikuar një artikull në gjuhën angleze me titull “Ministria e Jashtme e Iranit konfirmon sulmin kibernetik, por mohon rrjedhjen e dokumenteve”, dhe artikulli vijon si më poshtë:
“Ministria e Jashtme e Iranit të dielën vonë konfirmoi një sulm kibernetik në faqen e saj të informacionit, por mohoi raportet për rrjedhjen e dokumenteve dhe të dhënave. Naser Kanani, zëdhënësi i Ministrisë së Jashtme, tha se faqja e informacionit të ministrisë ishte hakuar, por “masat e nevojshme” u morën menjëherë për të rivendosur faqen e internetit.
Ai, megjithatë, mohoi pretendimet që qarkullonin në mediat sociale për rrjedhjen e dokumenteve dhe bazave të të dhënave si dhe hakerimin e serverëve dhe sistemeve të ministrisë. Zëdhënësi theksoi gjithashtu se informacionet dhe imazhet e publikuara në emër të Ministrisë së Jashtme të Iranit në hapësirën kibernetike janë “të rreme dhe të pabazuara”.
Më herët të dielën, një grup hakerësh iranianë që e quan veten “Ghiam Sarnegouni” (Kryengritja deri në Përmbysje) pretendoi se kishte sulmuar serverët dhe bazat e të dhënave të ministrisë, duke hequr 210 faqe interneti dhe duke rrjedhur 50 TB të dhëna. Sipas raportimeve, grupi i hakerëve është i lidhur me grupin opozitar iranian me bazë në Shqipëri, Mujahideen e Khalq (“MEK”). Grupi është cilësuar si nje “organizate terroriste” nga Republika Islamike.
Hakerėt publikuan një sasi të madhe dokumentesh, karta identiteti, procesverbale takimesh si dhe numra telefoni të punonjësve të ministrisë në kanalin Telegram të grupit. Dokumentet e lëshuara përfshinin korrespondencë midis zyrtarëve iranianë dhe evropianë mbi marrëveshjen e shkëmbimit të burgjeve midis Iranit dhe Belgjikës, e cila do të lirojë respektivisht diplomatin iranian Asadollah Assadi dhe punonjësin belg të ndihmës Olivier Vandecasteele. Nuk është hera e parë që ky grup hakerash pretendon sulme kibernetike në faqet e internetit që i përkasin institucioneve qeveritare iraniane. Në qershor 2022, ajo pretendoi se kishte hakuar mijëra kamera sigurie, si dhe faqe interneti që i përkisnin Bashkisë së Teheranit”.
Me date 07.05.2023, në faqen e internetit me emërtimin “Iran International” dhe me adresë https://www.iranintl.com/en/202305079860, është publikuar një artikull në gjuhën angleze me titull “Hacktivistët synojnë Ministrinë e Jashtme të Iranit, rrjedhje e të dhënave”, dhe artikulli vijon si më poshtë: “Grupi hacktivist “Kryengritja deri në përmbysje”, i lidhur me grupin opozitar me bazë në Shqipëri, Mujahideen-e Khalq (“MEK”), publikoi qindra dokumente identifikimi, procesverbale të takimeve, korrespondencën e ministrisë, numrat e telefonit të zyrtarëve të ministrisë dhe emrat e 11,000 punonjës të ministrisë së jashtme, ndër të tjera. Sipas kanalit telegram të hakerëve, të gjitha faqet e lidhura me ministrinë si ambasadat e Republikës Islamike dhe organizatat e lidhura ishin në shënjestër, duke treguar një faqe me foto të liderëve të “MEK”-ut, si dhe foto të liderit suprem të Iranit Ali Khamenei dhe presidenti Raisi me kryq të kuq mbi t’a. Gjithashtu në faqe kishte slogane “Vdekje Khamenei-t” dhe ” “Të fala Rajavit”, liderit aktual të grupit opozitar.
“Në Iran po zhvillohet një revolucion i madh. Kryengritja do të vazhdojë derisa të shembet pallati i shtypjes. Revolucioni demokratik i Iranit do të jetë fitimtar”, thuhet në mesazhin në faqe. Shumica e faqeve u mbyllën mesditën e së dielës. “Kryengritja deri në përmbysje”, tashmë kishte hakuar dhe çaktivizuar disa faqe interneti dhe shërbime të regjimit. Në qershor 2022, ajo hakoi mbi 5000 kamera sigurie të organeve shtetërore dhe 150 faqe interneti që i përkisnin Bashkisë së Teheranit, duke shfaqur slogane të ngjashme në faqet e internetit dhe duke lëshuar të dhëna të brendshme.
Hakimi vjen pas një sulmi tjetër kibernetik në mars në portalin e Ministrisë së Kulturës dhe Udhëzimit Islamik (Ershad) dhe faqet e internetit të lidhura me të, duke treguar fotot e Rajavis dhe duke bërë thirrje për vdekjen e liderit suprem të vendit. Që nga fillimi i vales aktuale të protestave në mes të shtatorit, disa grupe hakerash kanë shënjestruar faqet e internetit shtetërore dhe shërbimet online. Ata kanë nxjerrë dokumente të shumta dhe kanë prishur qindra kamera vezhgimi.
Dokumentet e zbuluara të dielën zbuluan gjithashtu përpjekjet dhe korrespondencën e vazhdueshme të Republikes Islamike me zyrtarët evropiane për të finalizuar një marrëveshje për shkëmbimin e të burgosurve me Belgjikën, e cila do të lironte diplomatin iranian të burgosur Asadollah Assadi, në këmbim të punonjësit të ndihmave belg Olivier Vandecasteele.
Gjykata Kushtetuese belge mbështeti një traktat të shkëmbimit të të burgosurve me Iranin në mars që mund të rezultojë në shkëmbimin e Assadit me Vandecasteele. “MEK” ndërmori një fushatë të ashpër kundër marrëveshjes, duke sfiduar ekstradimin. Ish atasheu i ambasades iraniane, Asadollah Asadi, 51 vjeç, aktualisht po vuan një dënim 20 vjeçar në Belgjikë për tentativë vrasjeje dhe përfshirje në terrorizëm për rolin e tij në planifikimin e një sulmi me bombë gjatë një ngjarjeje të “MEK” pranë Parisit në vitin 2018. Asadi, i vetmi iranian Diplomati i nxjerrë ndonjëherë në gjyq në Evropë për përfshirje të drejtpërdrejtë në terrorizëm u arrestua në Gjermani, ku nuk gëzonte imunitet diplomatik gjatë kohës që ishte me pushime. Autoritetet gjermane më vonë ekstraduan Assadin në Belgjikë.
Ai ishte një diplomat në ambasadën e Iranit në Austri, Forcat e sigurisë në Iran arrestuan punonjësin e ndihmës Olivier Vandecasteele, 41 vjeç, i cili ka punuar në një sërë agjencish humanitare që nga të paktën 2006. Në janar, gjyqësori i Republikës Islamike dënoi Vandecasteele, i cili u arrestua në vitin 2022, me 40 vjet burg dhe 74 kamxhik për “Spiunim dhe bashkëpunim me Shtetet e Bashkuara, pastrim parash dhe kontrabandë të 500,000 dollarëve nga Irani”. Irani është akuzuar për arrestimin e paligjshëm të të paktën një duzinë shtetasish të huaj dhe të dyfishtë me akuza të sajuara, efektivisht si pengje për të nxjerrë lëshime nga qeveritë perëndimore. Shumica e tyre mbahen nën akuza të rreme për spiunazh”.
Më datë 18.05.2023, janë përpiluar aktet si më poshtë:
Procesverbali per kqyrjen e të dhënave në internet me emërtimin “Anadolu Ajansi” dhe me adrese https://www.aa.com.tr/en/middle-east/irans-foreign-ministry-confirms-cyberattack-but- denies-leak-of-documents/2891575#/.
Procesverbali për kqyrjen e të dhënave në internet me emërtimin “Iran International” dhe me adrese https://www.iranintl.com/en/202305079860, ku nga kqyrja e këtij artikulli rezultoi që: “Grupi në rrjetin social Telegram me emërtimin “Kryengritja deri në përmbysje”, i lidhur me grupin opozitar me bazë në Shqipëri, Mujahideen-e Khalq (“MEK”), publikoi qindra dokumente identifikimi, procesverbale të takimeve, korrespondencën e ministrisë, numrat e telefonit të zyrtarëve të ministrisë dhe emrat e 11,000 punonjës të ministrisë së jashtme, ndër të tjera. Sipas kanalit telegram të hakerëve, të gjitha faqet e lidhura me ministrinë si ambasadat e Republikës Islamike dhe organizatat e lidhura ishin në shënjestër, duke treguar një faqe me foto të liderëve të “MEK”-ut si dhe foto të liderit suprem të Iranit Ali Khamenei dhe presidenti Raisi me kryq të kuq mbi t’a”.
Procesverbali për kqyrjen e të dhënave në internet në rrjetin social Telegram me emërtimin ” @ghyamsarnegouni” dhe me adrese https://t.me/s/ghyamsarnegouni. Nga kqyrja në këtë grup në këtë rrjet social rezultojnë të postuar disa dokumenta dhe video të dyshuara të hakeruara nga sistemet kompjuterike qeveritare në Republikën Islamike të Iranit. Procesverbali për kqyrjen e të dhënave në internet në rrjetin social Telegram me emërtimin
“Justice Homeland” https://web.telegram.org/k/#@JusticeHomeland1. Nga postimi i bërë në këtë rrjet social me datë 16.05.2023 janë publikuar email-et e punonjësve të Ministrisë së Jashtme të Shqipërisë, si dhe ndër të tjera edhe një foto me mbishkrimin “Sipas të dhënave të publikuara në faqen e “MEK”-ut, toka e Durrësit është përdorur si seli e kryerjes së sulmeve fizike dhe kibernetike kundër vendeve të tjera. Prisni një hakmarrje që do të synojë shqiptarët.”
Procesverbali për kqyrjen e të dhënave në internet në rrjetin social Telegram me emertimin ” @ghvamsarnegouni” dhe me adrese https://t.me/s/ghyamsarnegouni. Nga kqyerja konstatohen të publikuara disa video dhe dokumenta të ndryshme. Në postimin e bërë me datë 25.04.2022, ora 12:56, konstatohet se është e publikuar një video në të cilën shikohen disa iraniane të ndryshme në të cilat pasqyrohet gjendja e tyre para dhe pas sulmit të dyshuar kibernetik. Në postimin e bërë me datë 13.06.2022, ora 18:34 konstatohet një video e dyshuar e marrë nga kamerat e rrugëve në qytetin e Teheranit, në të cilën ka një mbishkrim me emërtimin “TEHRAN TRAFFIC CONTROL”.
Procesverbali për kqyrjen e të dhënave në internet në rrjetin social Telegram me emërtimin “Justice Homeland” https://web.telegram.org/k/#@JusticeHomeland1. Gjatë kqyrjes në postimin e bërë me datë 19.10.2022 në orën 08:36, vihet re se në këtë faqe është publikuar 1 (një) tekst e cila është me mbishkrim në gjuhën angleze dhe e përthyer në shqip “Për sa kohë që ju nuk mbani një “fre” të ngushtë mbi aktivitetet terroriste të “MEK”-ut dhe për sa kohë që anëtarët e varfër të “MEK”-ut nuk “lidhen” në vende të tjera, zbulimet tona do të jenë të vazhdueshme. Nëse doni ndonjëherë një Shqipëri të sigurt për të mbajtur, jepini fund jetës së garnizonit të banorëve të Durrësit dhe jepini atyre kënaqësinë e të jetuarit një jetë urbane dhe urbane..”
Procesverbali për kqyrjen e të dhënave në internet ne rrjetin social Telegram me emërtimin “Justice Homeland” https://web.telegram.org/k/#@JusticeHomeland1. Gjatë kqyrjes në postimin e bërë me datë 03.02.2023, në orën 07:31 AM, vihet re se në këtë faqe është publikuar 1 (një) tekst e cila është me mbishkrim në gjuhën angleze dhe e përthyer në shqip “Ajo që ka rëndësi është zbulimi i informacionit. Marka nuk ka rëndësi. Ende nuk ka filluar stuhia…..”
Gjithashtu ka rezultuar se gjatë vitit 2022, shteti institucionet Shqiptare janë prekur nga disa sulme kibernetike të cilat për pasojë kanë sjellë çrregullime të veprimtarisë së përditshme të strukturave të Policisë së Shtetit dhe institucioneve të ndryshme kritike. Sipas të dhënave ky sulm kibernetik dyshohet se mund të jetë kryer nga struktura të inteligjencës iraniane për faktin se në Shqipëri strehohen një numër i konsiderueshëm anëtarësh të organizatës së “MEK” që praktikisht janë opozita e regjimit iranian. Më datë 08.09.2022, Këshilli i Ministrave vendosi ndërprerjen e marrëdhënieve diplomatike me Republikën Islamike të Iranit, si dhe u bë largimi i gjithë stafit diplomatik nga territori i Republikës së Shqipërisë. Nga monitorimi i burimeve të hapura (rrjete sociale) e në vazhdimësi ka rezultuar se gjatë fundit të vitit 2022, u konstatua një rritje e retorikës kërcënuese nga Repulika Islamike e Iranit dhe strukturave të Inteligjencës së tyre për të kryer sulme të mundshme, përfshirë edhe sulme me dron ndaj organizatës “MEK” me qëndrim prej disa vitesh në Shqipëri.
Ministria e Punëve të Jashtme të Republikës Islamike i ka përcjellë “Note Verbale” Ministrisë për Evropën dhe Punët e Jashtme, ku ndër të tjera thuhet se sipas inteligjencës së besueshme dhe të dokumentuar e cila është siguruar nga agjencitë e sigurisë të Republikës Islamike Iraniane për tre skuadra terroriste të arrestuara së fundmi, është zbuluar se janë stërvitur në kampit të Organzitës së “MEK” në Durrës, brenda territorit të Republikës së Shqipërisë.
Nga analiza e të dhënave të siguruara nga policia gjyqësore, rezulton se organizata “MEK” dhe pjesëtare të saj, të akomoduar në vendin tonë, paraqiten objektiv i rëndësishëm për Iranin dhe përfaqësuesit e tij zyrtare në Shqipëri. UNHRC ka qenë e angazhuar që në Irak dhe ajo ka bashkëpunuar ngushtë me Ministrinë e Punëve të Brendshme dhe agjensitë e tjera për ndjekjen e problematikave që lidhen me “MEK”, gjithashtu UNHCR -ka ndjekur me vëmendje të veçantë çështjen e atyre që duan të shkëputen nga organizata. Deri tani janë shkëputur nga organizata rreth 450 persona, larguar jashtë vendit 400, ku 100 janë larguar në mënyrë legale dhe 300 ilegalisht. Në vendin tonë aktualisht ndodhen rreth 50 persona të cilët janë akomoduar në Tiranë. Brenda kampit rezulton që aktualisht të jenë rreth 2500 persona.
Në kushtet ku ka dyshime të arsyeshme se organizata “MEK” nga territori i Republikës së Shqipërisë ka kryer sulme kibernetike ndaj Republikës Islamike të Iranit në disa periudha të ndryshme kohore dhe drejt disa institucioneve të shtetit të Iranit. Duke qenë se statusi i qëndrimit të organizatës “MEK” në Shqipëri është humanitar, Republika Islamike e Iranit në vazhdimësi ka pretenduar duke ngritur këto dyshime si dhe në mënyrë të vazhdueshme kërcënon se do të ndërmarrë sulme ndaj Shqipërisë dhe organizatës “MEK”. Po ashtu, Republika Islamike e Iranit ka kryer sulme kibernetike ndaj Republikës së Shqipërisë përpara disa kohësh gjë e cila ka cenuar seriozisht sigurinë kibernetike dhe integritetin kibernetik të shtetit Shqiptar.
Me qëllim gjetjen e serverave apo paisjeve të tjera kompjuterike që mund të jenë përdorur për sulmet kibernetike nga territori i Republikës së Shqipërisë është e domosdoshme kryerja e kontrollit në vendqëndrimin e pjestarëve të organizatës “MEK”, në Durrës, Shqipëri.
Në rastin konkret nga hetimet e deritanishme dhe të dhënat e referuara nga ana e policisë gjyqësore
rezulton se ka dyshime për faktin se pjestarë të Organizatës “MEK”, me vendqëndrim në Manez, Durrës
Shqipëri, janë të përfishirë në aktivitet kriminal të terrorizmit dhe financimit të terrorizmit.
Për këto arsye, në përputhje me nenet 202/1 dhe 202/a të Kodit të Procedurës Penale prokurorët, kërkojnë të lejohet ky kontroll. Kjo gjykatë çmon si të drejtë dhe të bazuar në ligj kërkesën e prokurorit për lejimin e kontrollit të ambienteve të sipërcituara, e cila duhet të pranohet sepse:
Nga analiza e të dhënave të marra gjatë hetimit deri në këto momente kjo gjykatë vlerëson se në kuptim të nenit 202/a të Kodit të Procedurës Penale, ka arsye të bazuara për të menduar se në ambjentet ku kërkohet kontrolli, gjenden prova materiale që lidhen me veprat penale të kryera nga pjestarë të Organizatës “MEK”. Për këto arsye, kjo gjykatë konkludon se ekzistojnë kushtet e parashikuara nga neni 202/1 i Kodit të Procedures Penale për kryerjen e kontrollit të ambienteve të sipërcituara, ku mund të gjenden prova materiale dhe në rast të një rezultati pozitiv të bëhet sekuestrimi i tyre dhe mbi këtë bazë urdhëron në zbatim të nenit 202/2 të Kodit të Procedurës Penale, oficerë të policisë gjyqësore Drejtorisë së Përgjithshme të Policisë së Shtetit dhe oficerët e policisë gjyqësore të Drejtorisë së Antiterrorit.
