Argjentina shpallet kampione bote në finalen e madhe të Botërorit 2022. Ajo mundi me penallti, me rezultatin 4-2 Francën, duke ngritur kështu trofeun pas 36 vitesh.
Argjentina kaloi e para në avantazh falë një penalltie të ekzekutuar nga Messi, në minutën e 23 të lojës. Në minutën e 36-të, Argjentina shënoi sërish falë Di Marias. Në pjesën e tyre, në minutën e 80 ishte Mbappe që shënoi falë një penalltie. Vetëm dy minuta më pas ai shënoi sërish, duke barazuar gjithçka në minutën e 82.
Në kohën shtesë Argjentina kaloi në avantazh falë Messit, por rezultati u barazua sërish nga një penallti e Mbappe.
Finalja e madhe e Kupës së Botës u luajt në stadiumin “Lusail”. Pas 63 takimesh në këtë event, e gjithë vëmendja e tifozëve të futbollit anembanë botës ishte tek kjo sfidë, me dy kombëtaret më të forta të turneut. Me interes u ndoq edhe dueli Lionel Messi-Kylian Mbappe.
Hera e fundit që Argjentina kishte fituar kampionatin botëror ishte në vitin 1986. Ndërsa Franca e kishte fituar Kupën e Botës në 2018.
Ndeshjen e fundit të Botërorit e ndoqën mbi dy miliardë njerëz në mbarë botën. Më shumë se 150 vende e transmetuan këtë takim nga të gjitha kontinentet. 89 mijë spektatorë ishin të pranishëm në stadiumin ‘Lusail’ të Doha-s./tvklan.al
