Prokurorja e përgjithshme e përkohshme Arta Marku në seancën e sotme parlamentare ka prezantuar raportin e Prokurorit të Përgjithshëm mbi gjendjen e kriminalitetit për vitin 2018.
Ajo foli edhe per pergjimet e publikuara nga gazeta gjermane BILD. Marku theksoi se jane zbardhur thuajse te gjitha pergjimet e dosjeve 339 dhe 184 ku eshte pergjuar edhe kryeministri Edi Rama, ndersa shtoi se ne cdo takim u ka kerkuar prokuroreve qe ti japin zgjidhje ceshtjes. Arta Marku theksoi se po hetohet edhe menyra si kane dale pergjimet ne media.
Drejtuesja e prokurorise se pergjithshme tha ne Kuvend se viti 2018 ka qenë një vit jo i zakonshëm për prokurorët dhe gjyqtarët për shkak të vetting-ut.
“Shumë prokurorë kanë qenë në kontakt të vazhdueshëm me KPK-në gjatë gjithë vitit. Vettingu i domosdoshëm, por i ka bërë prokurorët të pasigurt dhe apatikë”, tha ajo.
Marku tha se janë ndjekur gjithsej rreth 48 mijë procedime penale.
“Janë mbartuar nga viti 2017 , 10919 procedime penale. Janë regjistruar 109 procedime penale nga ana e prokurorisë. Ndërsa nè 2018 janë dërguar në gjykatë 11790 çështje”, tha ajo.
Numrin më të madh të procedimeve e ka regjistruar gjykata e shkallës së parë në Tiranë.
Përqindja më e ulët e kriminalitetit në Dibër më e larta në Vlorë. Vjedhja e pasurive përbën numrin më të madh të të procedimeve penale të regjistruara, bëri me dije Marku.
“Janë regjistruar 577 materiale kallëzuese më pak se një vit më parë, janë mbi 1 mijë procedime më shumë se më parë. Ka një ulje të lehtë të numrit të materialeve që ka trajtuar Prokuroria. Sa i përket efikasitetit të ndjekjes penale janë përfunduar 59 çështje më shumë se më 2017, ka më shumë të pandehur se në 2017, janë dënuar më shumë se vitin e kaluar.
Numrin më të madh të procedimeve e ka Prokuroria e Shkallës së Parë Tiranë, për kriminalitetin ajo e Durrësit. Është rekomanduar rritja e hetimeve, në veçanti kundër krimit të organizuar dhe korrupsionit. Në 2018 kemi 93 procedime penale. Janë ndaluar 73 persona të përfshirë në korrupsion dhe shpërdorim detyre. Korrupsioni pasiv zë më shumë hapësirë më 2018. Korrupsioni në drejtësi, 32 procedime penale. Krimi i organizuar, 41 procedime. 51 të pandehur për këtë vepër penale. Trafikimi i armëve dhe municionit, 11 procedime penale.
Sipas të dhënave, ka një ulje prej 37% të numrit të regjistruar për veprën penale të korrupsionit. Janë kryer hetime proaktive, në kuadër të 250 procedime penale. Vepra penale në fushën e narkotikëve, janë regjistruar mbi 1 mijë procedime, për trafikim narkotikësh janë 105 procedime. Për konfiskimin e pasurive, janë trajtuar mbi 700 raste. Treguesit për hetimet pasurore janë të tillë: 26 kërkesa për sekuestrim pasurish, vlera 3 miliardë lekë, 12 mln euro, 19 mijë paund dhe qindra hektarë tokë e mjete. 2 kërkesa për sekuestrimin e pasurisë në vila e apartamente, si dhe 13 milionë lekë.
Është rekomanduar forcimi i bashkëpunimit ndërkombëtar, për marrjen e masave lidhur me problematikat e krimit të organizuar në Shqipëri. Është miratuar udhëzimi për ekstradimet me jashtë.
Kemi nënshkruar memorandum në Sofje për çështjet që i përkasin krimit të organizuar. Po bashkëpunojmë ngushtë me Komisionerin për të Drejtën e të Dhënave Personale.
Gjatë 2018 kemi nënshkruar 3 marrëveshje mes Italisë dhe Shqipërisë sa i takon grupeve kriminale. Është në proces nënshkrimi një tjetër marrëveshje me Italinë, që do të koordinohet nga Eurojust. Është rekomanduar ashpërsim i masave për një sërë masash që janë mjaft të ndjeshme për shoqërinë shqiptare, krime dhunë, etj. Është rekomanduar ndjekja e një politike më të butë ndaj të miturve dhe grave”, tha ajo ndër të tjera.
