Artan Hoxha, i ftuar në Abc Live me Sibora Bitrin, foli për ngjarjen e djeshme në protestë, ku Sali Berisha u godit me grusht.
Ai tha se personi që shihet në video teksa tenton të ndalojë 31 vjeçarin Gert Shehu është punonjës i medias. Sipas tij, ai i prishi planin 31 vjeçarit pasi uli intensitetin e goditjes.
“Së pari, s’ka pasur informacion se do të bëjë goditjen as policia dhe struktura që mbron Berishën. Ai personi është një punonjës i medias.
Ai ka tentuar ta ndalojë por 31 vjeçari ka qenë fizikisht i fortë dhe i ka ikur. Nëse nuk do ta kishte penguar ky punonjësi mund të jepte një goditje më të fortë.
Ky punonjës që e ka mbajtur, mesa duket ka nuhatur diçka, e ka njohur prandaj ka tentuar ta ndalojë. Minimalisht ka bërë një shërbim sepse ka ulur intensitetin e goditjes.
Ai ia ka prishur planin në kokë agresorit, i cili hyn nga krahu i kameras dhe truprojat s’e dinin.”, tha Hoxha. /abcnews.al
