Pas publikimit te përgjimeve pjesë e dosjes vëllezërve Avdylaj, në gazetën gjermane Bild, kryetari i Bashkise se Durresit Vangjush Dako ka mohuar qe te kete biseduar me Astrit Avdylajn.
Dako ka mohuar kete fakt, edhe pse përgjimet evidentojne lidhjet që Astrit Avdylaj, kreu i grupit, mbante me kryetarin e Bashkisë së Durrësit Vangjush Dako, por dhe me kandidatin aktual të Partisë Socialiste për Bashkinë e Shijakut Elton Arbana.
Episodet e bisedave te publikuara nga gazeta Bild, tregojn edhe angazhimin e Avdylajt për të siguruar vota për Partinë Socialiste dhe një prej kandidatëve të saj, deputetin aktual Ilir Ndraxhi.
Me 13 nëntor 2018, në seancën e pare në Gjykatën e Apelit të Krimeve të Rënda per caktimin e mases se sigurise ndaj tij dhe personave të tjerë të arrestuar në kuadër të operacionit “Volvo 4”, Astrit Avdylaj deklaroi se : “E kam mik Vangjush Dakon, kam folur me të se kam besuar tek programi i tij ndaj aty qaj hallin”.
