Nevzat Çeço ka rrëfyer bisedën e fundit mes të birit dhe Tina Pajollarit, e cila u arrestua ditën e djeshme si bashkëpunëtore në vrasjen e Martin Çeços.
Tina Pajollari, e cila kishte krijuar një lidhje të dyfishtë me viktimën dhe një nga autorët e dyshuar të krimit, Valter Mollaj, e kishte telefonuar të riun mbrëmjen e ngjarjes së rëndë.
Sipas babait të Martinit, 18-vjeçarja i kishte thënë “Të keqen motra, mos merr ti, por të marr unë në telefon”, duke i premtuar se do komunikonin sërish bashkë të nesërmen.
Nevzat Çeço, i cili kishte dëgjuar telefonatën mes dy të rinjve, e kishte parandjerë që diçka nuk shkonte dhe i kishte kërkuar të birit ta mbyllte si muhabet, por ky i fundit iu është drejtuar duke i thënë: “Rri babi ti se nuk di gjë”.
Ndërsa tregoi se 18-vjeçarja i dërgonte foto të varrit me lule dhe mesazh “Kur dëgjoj zërin tënd më rrëqethet mishi”.
Nevzat Çeço: “Djali i shkruante, kjo i nxirrte varrin me lule e i çonte vjersha. Natën që ndodhi vrasja ajo i tha në telefon ‘hë tani u kujtove’. Mua nuk më erdhi mirë, se kishte natë ditë që e kërkonte Tinën, thoshte babi ose e marr unë atë ose s’ka. I thashë: “Mjaft bre djalë!”. Ajo i kishte dërguar mesazh: “Kur dëgjoj zërin tënd më rrëqethet mishi”. Po pse. Unë e kuptova. Ky thoshte e dua për dashnore, ky thoshte e dua për grua.
I thashë “do na fusësh në sherr por mjaft”. Mu drejtua: “Rri babai se nuk di gjë ti”. Isha në ankes dhe po bëja kafen. E dëgjova duke i thënë: “Hë mo ti, ke kaq kohë pse merr ne telefon”. Ky i tha: “Të erdha me byrekë e më refuzove”. “Më fal”, i tha. Djali iu drejtua: “Të fal 100 herë!”. Kjo iu drejtua: “Të keqen motra, mos merr ti, por të marr unë në telefon.”
Djali i tha: “Ke një gjë që thua ti”, kurse ajo iu përgjigj se “për shkak të nënës e babait, që të mos e marrin vesh, nesër në orën 10:00 do të të marr”.
Ajo nuk i kërkoi të dilte jashtë atë natë. Tina ka gisht në vrasjen e djalit. Djali i ka dhënë 2,5 milionë lekë të vjetra Xhonit, ish kunatit të Tina Pajollarit. Ai më tha: “Babi Xhoni nuk po më flet, më bëri bllok në celular”.
Ia dha paratë, ia mori lekët. Edhe këtij fshatarit tonë 500 mijë. Lekët i ka paguar djali që Xhoni të hynte për mblesëri.
“Nuk më vjen mirë të keqen babai”, i thashë unë pas telefonatës. E kuptova ishte si punë tallje.
Tina Pajollari dyshohet se ka bashkëpunuar me tre personat e arrestuar si bashkëautorë në vrasjen e të riut.
Paralelisht me viktimës, dyshohet se ajo ka pasur lidhje me një nga të arrestuarit, Valter Mollaj, i cili në bashkëpunim me Bleti Angjon dhe Edlir Mollajn akuzohet se kanë dhunuar edhe më pas e kanë hedhur në rezervuar trupin e pajetë të Martin Çeços.
