Në vendin tim nuk ka një datë,
Një festë për të, nuk pati kurrë,
Që ta uronin (sikurse gratë),
Të priste lule edhe një burrë.
Në vendin tim, ti ishe puna,
E përmbi shpatulla, një jetë,
Nuk kishe festë në kalendar,
Dikur nuk prisje, as sot nuk pret.
Në vendin tim, ti quhesh „forca“,
Por mallëngjehesh, ke lotë në sy,
Janë dobësi, çuni dhe goca,*
Të vetmet „festa“ me vlerë për ty.
„Festë Babai“ © Alma Papamihali
*djali dhe vajza
Loading...
