Kryetari i opozitës Lulzim Basha, duke marrë shkas nga 4 Korriku – Dita e Pavarësisë së SHBA, ka preferuar sot t’u dërgojë një mesazh qytetarëve shqiptarë, nxjerrë nga Deklarata e Pavarësisë së SHBA: “…Dhe sa herë që cilado mënyrë e qeverisjes, kthehet në shkatërruese ndaj këtyre qëllimeve, është e drejta e njerëzve, ta ndryshojnë ose rrëzojnë një qeveri të tillë…”.
Këtë shënim Basha e ka shoqëruar me foton e protestës së 21 qershorit, përpara Kryeministrisë.
Mesazhi i plotë i Lulzim Bashës në Fb:
“Këtë 4 korrik dua ta nis me më të famshmin citim nga Deklarata e Pavarësisë së Shteteve të Bashkuara të Amerikës:
NE I KONSIDEROJMË TË MIRËQENA KËTO TË VËRTETA:
SE TË GJITHË NJERËZIT JANË KRIJUAR TË BARABARTË,
SE ATA JANË TË PAJISUR NGA KRIJUESI I TYRE ME DISA TË DREJTA TË PATJETËRSUESHME,
MES TË CILAVE JANË JETA, LIRIA DHE NDJEKJA E LUMTURISË.
SE PËR TË SIGURUAR KËTO TË DREJTA, NJERËZIT KRIJOJNË QEVERI,
PUSHTETI I DREJTË I TË CILËS BURON PREJ PËLQIMIT NGA TË QEVERISURIT,
DHE SA HERË QË CILADO MËNYRË E QEVERISJES,
KTHEHET NË SHKATËRRUESE NDAJ KËTYRE QËLLIMEVE,
ËSHTË E DREJTA E NJERËZVE,
TA NDRYSHOJNË OSE RRËZOJNË NJË QEVERI TË TILLË,
DHE TË THEMELOJNË NJË QEVERISJE TE RE,
BAZUAR MBI ATO PARIME DHE ME ATO PUSHTETE,
QË SIPAS NJERËZVE GARANTOJNË MË SË MIRI, SIGURINË DHE LUMTURINË E TYRE!
Gëzuar Ditën e Pavarësisë së SHBA! Zoti e bekoftë Amerikën! Zoti e bekoftë Shqipërinë!” përfundon kryetari i opozitës.
