Rreth një muaj më parë u nda nga jeta pas një sëmundje të rëndë, artistja e njohur Hueyda El Saieden.
Pas kësaj humbje të dhimbshme për herë të parë ka folur e bashkëshorti i saj, Thierry. Ai është shprehur se artistja e mësoi se vuante nga sëmundja e rëndë në korrik të 2019.
Ajo kishte dashur që ta mbante sekret. Thierry tregoi se i kishin treguar djalit, 6 vjeçar për të gjithë situatën dhe sëmundjen që nëna e tij kishte.
“Është një shok shumë i madh. Mbetet një peshë e madhe, por përpara se të filloja, do doja të thoja shumë faleminderit për të gjithë mesazhet që kemi marrë nga ana e Shqipërisë. Këtë e them edhe në emër të Gabrielit. Shumë faleminderit.
Është sërish një makth këtu nga ana ime. Por do të qendroj i fortë, Gabrieli është më i fortë se unë. Duhet të qendrojmë të fortë për Huejdën.
Mësuam për sëmundjen e saj përpara një viti e gjysmë, në korrik të 2019. Ishte zgjedhja e Huejdës ta mbante këtë sekret. Të gjithë e dinë që ajo ishte shumë e fortë dhe nuk donte që ne të ndjenim keqardhje. Edhe donte ta bënte këtë luftë e vetme.
Ne nuk i kemi fshehur asgjë Gabrielit, siç mund t’i flasësh një djali vetëm 6 vjeç. Ne i flisnim atij përpara çdo procesi dhe ishte i informuar në brendësi të situatës. Ne kishim shpresë deri ditën e fundit se ajo do të shpëtonte”, tha ai për “Abc e Mëngjesit”.
