Shefi i agjencisë së barnave të Bashkimit Evropian, Guido Rasi deklaroi se një autorizim fillestar për ilaçin remdesivir si një trajtim COVID-19 mund të jepej në ditët e ardhshme.
Agjencia Evropiane e Barnave (EMA) ka rekomanduar tashmë përdorimin e remdesivirit, i cili lejon që një ilaç të administrohet tek pacientët edhe para se të jetë plotësisht i autorizuar.
“Mund të jetë që një autorizim i kushtëzuar i tregut, mund të lëshohet në ditët në vijim,” tha Rasi në Parlamentin e BE-së në Bruksel.
Përveç remdesivirit, Rasi tha se trajtime të tjera të mundshme kundër COVID-19 që mund të jenë në dispozicion të shpejtë janë ato të bazuara në antitrupa monoklonal, të cilët mund të “neutralizojnë” koronavirusin e ri (SARS-CoV-2) që shkakton sëmundjen COVID-19.
