Berisha: Veprimi i deputetit të PD ishte një kartoline për Ramën me rastin e Krishtlindjeve dhe Vitit të Ri.

Ish kryeministri Sali Berisha ka komentuar veprimin e deputetit të PD, Endri Hasa, i cili qëlloi me vezë kryeministrin Edi Rama në foltoren e Kuvendit si shenjë revolte për studentët.

Gjatë një prononcimi për mediat jashtë Kuvendit, Berisha tha se veprimi i deputetit të PD ishte një lloj kartoline për Ramën me rastin e Krishtlindjeve dhe Vitit të Ri.

“Vezët e Endri Hasës ishin kartolina e Krishtlindjes dhe Vitit të Ri që i dërgoi kryekumbarit dhe kreut të krimit të organizuar, Edvin Ramës. E vërteta është se ato vezë vinin direkt nga Surreli”- tha Berisha.

Kujtojmë se deputeti Endri Hasa qëlloi Ramën me vezë, por ajo nuk e ka zënë duke i kaluar afër kokës. Pas kësaj ngjarje, Byroja e Kuvendit ka përjashtuar me 10 ditë nga seancat plenare deputetin Endri Hasa.

(d.d/BalkanWeb)