Blendi Fevziu ne “Shiko kush luan” u shpreh se ka ardhur koha që në Shqipëri të ndërrohet qeveria.
Me shumë sportivitet ai u bë pjesë e një interviste e cila ishte konceptuar si një trekëndesh, këndet e të cilit përfaqësojnë më së miri Blendin dhe janë karriera, familja dhe udhëtimet.
Ai tregoi se intervista më e bukur politike në karrierën e tij ka qenë përballja e Fatos Nanos dhe Sali Berishës në vitin 2002. Qeveria duhet të ndërrohet dhe në pushtet duhet të vijnë njerëz që mendojnë për vendin dhe prosperitetin.
Sigurisht që në shtëpinë e Blendit, gruaja ka gjithmonë të drejtë dhe ai është babi që u thotë vajzave gjithmonë “Po”. Të ardhmen e vajzave ai e sheh jashtë Shqipërisë sepse sipas tij ky është një vend shumë maskilist në raport me femrat.
