Kohë pas ngjarjes që tronditi mbarë opinionin publik flet për Top Channel e mbijetuara e tragjedisë së vetëflijimit në Kombinat.
Blerta Josifi tregon si mbajti trupin e vdekur të motrës 16 muaj në shtëpi. Ajo tregon historinë e familjes së saj.
Në intervistën për “Shqipëria Live”, Blerta ka rrëfyer se nuk kanë treguar se Anisa kishte ndërruar jetë pasi kishin frikë se do fajësonin atë dhe nënën e saj.
Gjithashtu Blerta tha se kanë besuar deri në moment të fundit se ajo do të rikthehej sërish tek ata.
“Kemi besuar deri në fund që ajo mund të rikthehej sërish tek ne. Në maj vendosëm që të mos dilnim për të blerë ushqime, në qershor nisëm agjërimin si një lutje që Zoti të na dëgjonte. Sepse edhe Anisa kishte shumë dhimbje dhe vuajtje”, rrëfeu Blerta.
