Në kuadër të aksionit kundër informalitet ndaj bizneseve janë inspektuar nën mbikqyrjen e zv.kryeministrit, Erjon Braçe, depozitat në Porto Romano, ku çdo pompë duhet të punojë vetëm nën regjim elektronik.
Brace thotë se asnjë prej bizneseve nuk do të tolerohet.
Numri dy i qeverisë thotë se është kotë që sipërmarrësist të tentojnë të bëjnë telefonata për t’i shpëtuar ndëshkimit në rast abuzimi, pasi askush nuk ka për t’i ndihmuar.
Sipas Braçes, ligji do funksionojë njësoj për të gjithë.
“Ne duam që çdo subjekt të kryejë tyransaksione të ligjshme dhe për këtë të lëshojë kupon. Jemi këtu që të mos lejohet më regjimi manual.
Ne do jemi të drejtë, të barabartë për të vendosur rregull dhe konkurrencë të ndershme.
Kërkoj të respektojnë ligjin, ta zbatojnë. Të mos i bien telefonit të askujt, nuk do i ndihmojë askush, do vendosim rregull për të gjithë”,- tha Braçe.
