Udhëheqësit e katër kombeve në Mbretërinë e Bashkuar kanë rënë dakord që gjatë periudhës 5-ditorë të Krishtlindjes mund të festojnë bashkë deri në tre familje.
Njerëzit mund të bashkohen në shtëpi, vende adhurimi dhe hapësira të jashtme, po ashtu dhe kufizimet e udhëtimit do të lehtësohen, raporton BBC.
Por nuk do të kenë mundësi që të vizitojnë baret dhe restorantet së bashku.
Udhëheqësit e 4 vendeve i nxitën njerëzit që të “mendonin me kujdes për ato që bënin” për të mbajtur të ulët rrezikun e transmetimit të virusit.
Ata thanë se këtë vit “nuk mund të jetë një Krishtlindje normale” por familja dhe miqtë do të jenë në gjendje të shohin njëri-tjetrin në një mënyrë “të kufizuar dhe të kujdesshme”.
Sidoqoftë, disa shkencëtarë kanë paralajmëruar se relaksimi i kufizimeve të Covid gjatë periudhës festive mund të shkaktojë një valë tjetër infeksionesh dhe vdekje të mëtejshme.
