Në këtë pikë, Shehi shpjegoi si i vijnë në ndihmë, sunduesit Edi Rama sot, ato “30 gocat me kufje”.
Duke treguar karrigen e Edi Ramës, Shehi nga foltorja e Kuvendit tha: “Diktaturat nuk lindin vetëm mbas revolucioneve. As mbas dhunës.
Dikaturat lindin në kohë paqeje. Edhe me votë. Lindin kur dhuna është vetë brenda shtetit.
Nuk bëri as Italia e Musolinit, që u bë diktaturë, as Hitleri nuk dolën pas lufte. Mbas votimeve dolën. Të mëdhaja, të rëndësishme, me flamuj…
Ai Maduro që është sot nuk ka ardhur me luftë. Me paqe ka ardhur. Me votim. Me votime të trazuara si këto tonat, me psikologji shoqërore të rënduar dhe atëherë, kjo që duket si demokraci, dalëngadalë përfundon në një sistem….
S’po i them ato emrat e shëmtuar, diktaturë, dreq e shejtan, por unë do t’i kisha vënë një emër shumë më shqip: Në sundim!
Ky zotëria këtu (tregon nga karrigia e Ramës) ka mbërritur të na sundojë. Nuk ka nevojë për instrumenta.
Biles e patë se me çfarë qetësie E patë se me çfarë qetësie i ndërroi ministrat?! Pse? Sepse është e parëndësishme. Para diktatorëve jemi të gjithë zero. Kaq e madhe është distanca.
E keni parë që ka ndërtuar me mendjen e vet ca institucione?! Për shembull, Sistemi i Kontrollit të Qeverisë!!! Ajo që dalin flasin, çojnë mesazhe, populli, vetëqeverisja!!!
Ç’është kjo? Nga doli kjo?! Në cilin rresht të Kushtetutës sonë është shkruar ? Në cilin vendim qeverie? Në cilin nen të parlamentit, ti merr përsipër atje, na vë nja 30 goca me kufje te veshi si call Center dhe po na qeveris?!
Dhe ato gocat, që janë po si gocat e tij, kanë të drejtë t’i kontrollojnë e t’i gjejnë gabim këto gocat e tjera (bën me dorë nga ministret). Se si duket janë më të mençura, ose do të jenë më të reja. Kush e merr vesh këtë punë?! Po sidoqftë ky është sistemi. Dhe kjo na shitet jo për qeverisje, por kjo na shitet për një avancim të demokracisë. Këtë s’e ka mbërritur as Zvicra, që voton në pjacë me dorë të ngritur, as Danimarka.e kemi mbërritur ne këtu, se s’kemi nevojë më për qeverisje!
Qeverisja i pengon diktatorët. Qeverisjen e kanë në mendjen e tyre, skemën…
