Një person rreth të 50-ve është gjetur i pa jete në zonën e Golemit nderkohe qe dyshimet paraprake te policise jane se kemi te bejme me nje mbytje ne det.
Viktima kishte dalë në det me një pedalone, mbrëmjen e shkuar, por nuk është kthyer. Forcat e policisë kufitare janë vënë në kërkim dhe kanë mundur të gjejnë vetëm pedalonen. Kërkimet kanë vijuar deri vonë, po pa rezultat.
Mëngjesin e sotëm trupi i pajetë është diktuar nga peshkatarët në vendin e njohur si Kanali i Qerretit. Viktima ishte i veshur me pantallona të shkurtra dhe një bluzë dhe dyshohet të jetë pushues nga Kosova.
Paraprakisht policia thote se ka dyshime per nje ngjarje aksidentale. Ngjarja e rëndë detare regjistron dhe humbjen e parë të jetës për këtë sezon turistik.
Kavajë/Informacion paraprak
Më datë 27.06.2020, rreth orës 08:00, në vendin e quajtur Përroi Leshniqës Qerret, në largësi rreth 200 metra nga bregu i detit, peshkatarët e zonës kanë konstatuar një shtetas ende të paidentifikuar pa shenje jete, i dyshuar i mbytur aksidentalisht.
Grupi hetimor ndodhet në vendngjarje dhe po punon për identifikimin e personit dhe zbardhjen e plotë e rrethanave të ngjarjes.
