Një aksident rrugor ka ndodhur ditën e sotme në aksin rrugor Lushnjë-Rogozhinë, ku shoferja 19-vjeçare ka humbur kontrollin dhe ka dalë nga rruga.
Bashkë me E. D., janë plagosur edhe pasagjerët E. P., 18 vjeç dhe L. P., 14 vjeç, banues në Tiranë. Ata ndodhen në spitalin e qytetit Lushnjë jashtë rrezikut për jetën.
“Sot rreth orës 14:30, në aksin rrugor Lushnjë-Rogozhinë, shtetasja E. D., 19 vjeçe, banuese në Tiranë, duke drejtuar mjetin tip “BMV”, ka humbur kontrollin dhe ka dalë nga rruga. Si pasojë është dëmtuar drejtuesja e mjetit dhe pasagjerët që ndodheshin në mjet, shtetasi E. P., 18 vjeç dhe L. P., 14 vjeç, banues në Tiranë, të cilët ndodhen në spitalin e qytetit Lushnjë jashtë rrezikut për jetën. Grupi hetimor po punon për zbardhjen e plotë të ngjarjes.”, njofton policia.
