Gjatë seancës maratonë që po zhvillohet në Komisionin Hetimor parlamentar për inceneratorët, kryeministri Edi Rama ka pasur një debat të fortë me deputetin Belind Këlliçi, të cilit i ka përmendur dhe djalin e ish-kryeministrit Sali Berisha, Shkëlzenin.
Ky i fundit, sipas Ramës është kapur në foto me persona të një klani droge, por kjo nuk e lejon atë që të hedhë baltë ndaj tij duke e quajtur trafikant.
Shkak për këtë reagim të Ramës ishte pyetja e bërë nga Këlliçi, nëse ka pasur dijeni për një udhëtim të Arben Ahmetaj para pesë vitesh ku ka qenë i pranishëm edhe Mirel Mërtiri, ndërkohë që mbante në dorë një foto.
Rama tha se nuk mund të përdoren foto për të përfshirë njerëz në çështje të ndryshme, dhe se duhet treguar kujdes në situata të tilla.
Pjesë nga debati:
Këlliçi: S’keni pse mërziteni shumë, unë ju vij me dokumente , firmë e të gjitha dhe spekuloj?
Rama: Unë kam fjalën spekulim, t’i përdor paligjshmëri. Për këto ka institucione, nuk janë këto punët e kryeministrit… A kanë marrë ata avion a nuk kanë marrë avion, përse mo puna ime është kjo. Përse duhet ta di unë këtë?
Këlliçi: Je njeriu më i informuar në Shqipëri
Rama: Në Shqipëri ka pushtete të ndara, më shumë autonomi institucionale
Këlliçi: Bashkia e Tiranës nuk po bën detyrat. SPAK që ju e keni merak e ftoj ta ndjekë Komisionin. A jam korrekt kur them që ju kur keni marrë detyrën e kryeministrit keni vendosur kod etike dhe nëse ky shkelej do të merreshin masa?
Rama: Po
Këlliçi: A ju duket etike që ministri i financave në udhëtim privat me një nga përfituesit aksidentohet në zonë e Kumanovës, kemi foto… Është emri i Mirel Mërtiri është edhe zoti i Arben Ahmetaj. A ju duket normale që bën udhëtime private më një nga persona përfitues kryesor të aferave…
Rama: Kodi etik e kam kërkuar unë të vendoset në qeveri dhe është aprovuar në fillim. Është vendosur që ministra , kryeministri nuk udhëtojnë në biznes klas, përveç rasteve të veçanta dhe rasti i veçantë është problemi im shëndetësor ku duhet të iki në Amerikë. Histori basketbollistësh.
Kryeministri dhe ministrat nuk dalin me pushime jashtë shtetit. Për dhuratat kanë një limit dhe sot në Këshillin e Ministrave ka një depozitë me dhurata që kanë një vlerë shumë të madhe që unë i kam regjistruar dhe ia kam lënë shtetit shqiptar. Lidhur me atë që tregoni , është e gjitha për t’u parë në çfarë rrethanash , dhe është për t’u gjykuar nga struktura që gjykon dhe përpara se të jap gjykim duhet që personi që e kishit këtu, duhet ta kishin pyetur . Kjo është një gjë që duhet sqaruar.
Unë personalisht nuk preferoj të udhëtoj me biznesmenë përveç të bëj biseda që lidhen me çështje të interesit të tyre…Por duke pasur parasysh rrethanat konkrete duhet parë konkretisht sepse nuk mendoj që lidhjet duhen bërë kaq direkte.
Pra djali i ish-kryeministri ha e pi me një grup që është nga më të egrit të Europës. A është kjo arsye që unë të them që djali është mafioz dhe ato ndajnë kokainën bashkë. Jo ..kurrë… Në mik i vjetër në PS shprehej politika në Shqipëri është autobus unaze…edhe jeta në Shqipëri është autobus unaze, takohemi të gjithë dhe njihemi…
Këlliçi: Ky episod ka ndodhur 5 vite më parë dhe mendoj keni pasur mjaftueshëm kohë për t’u njohur me rastin.
Rama: Nëse data është e saktë, ai nuk ka qenë ministër…Këto duhen verifikuar, mos të inkriminojmë njerëzit me foto…nuk dihet se çfarë foto të dalin unë do të mbroj ty… Më nxorri lakuriq mua partia jote…Zonja Tabaku mua partia juaj në foto më ka nxjerrë lakuriq, dhe kjo kulturë ..mos u merrni këto
