Ministrja e Shtetit për Marrëdhëniet me Parlamentin, njëkohësisht zëdhënësja e qeverisë, Elisa Spiropali nëpërmjet një postimi në Twitter ka deklaruar se ka ardhur koha që kreu i opozitës, Lulzim Basha të përgjigjet për akuzat për lobimin.
Ajo e konsideron atë një derr të kënaqur.
Reagimi i plotë
Lulzim Basha gënjen si derri i knaqun i Migjenit sapo del nga dera e Prokurorisë. Pastaj kur Prokuroria i’a nxjerr në shesh gënjeshtrat, bën Sokratin e përvuejtun si i persekutuar politik. Është koha të përgjigjesh Lulzim. As Derri as Sokrati s’të ndihmojnë dot!
Kreu i PD-së, Basha dhe Sekretari i Përgjithshëm Gazmend Bardhi u thirrën sot në Prokurori si persona që kanë dijeni, në vijim të hetimit të nisur për dosjen e lobimit në SHBA.
Pas qëndrimit rreth një orë në Prokurori, Basha deklaroi për mediat se ka prova që faktojnë se as PD dhe asnjë drejtues i saj nuk ka shkelur asnjë ligj, ndërsa shtoi se prokuroria vihet në lëvizje sa herë i intereson qeverisë.
Më pas reagoi edhe Prokuroria e Tiranës, duke theksuar se “objekt i hetimit është vërtetësia e shpenzimeve monetare të kryera nga subjekti politik PD në fushatën elektorale të vitit 2017”.
