Turqia prezantoi prototipin e automobilit vendas, të zhvilluar nga Grupi i Iniciativës së Automobilit të Turqisë (TOGG), raporton AA.
Automjeti eshte drejtuar ne proven e pare nga vete presidenti turk Erdogan. Ceremonia u realizua në Luginën e Informatikës në rrethin Gebze të provincës industriale Kocaeli, me pjesëmarrjen e shumë zyrtarëve të lartë, përfshirë presidentin Recep Tayyip Erdoëan, krerët e projektit, inxhinerë, ekspertë dhe të ftuar të tjerë.
Në fjalën e tij në ceremoni, Erdogan tha se Turqia sot po përjeton një ditë historike.
“Sot po dëshmojmë një ditë historike për vendin tonë, realizimin e ëndrrës 60-vjeçare”, tha presidenti turk.
Duke thënë se mbi 100 inxhinierë turq kanë punuar për të realizuar projektin, ai tha se “Ne nuk blejmë licencë ose leje nga askush, por i përcaktojmë vetë të gjitha tiparet teknike”.
Erdogan theksoi se Turqia nuk do të lejojë përpjekjet për të penguar prodhimin e veturës së saj.
“Ata arritën të pengojnë prodhimin e Devrim (makina e parë vendase e Turqisë), por nuk do të jenë në gjendje ta pengojnë këtë automobil”, shtoi ai.
https://www.facebook.com/RTErdogan/videos/1341952392658082/?t=0
