FILIPINE – Një tërmet 7,1 ballë Rihter godet jugun e vendit

Një tërmet me magnitudë 7,1 ballë të shkallës Rihter goditi sot në mëngjes jugun e Filipineve, çka detyroi autoritetet të jepnin alarmin për cunami dhe të paralajmëronin banorët të rrinin larg brigjeve dhe plazheve.

”Goditja u lokalizua 162 kilometra në juglindje të qytetit Generoso, në provincën jugore të Davao Oriental”, tha Instituti Filipinas i Vullkanologjisë dhe Sizmologjisë (Phivolcs).

Instituti paralajmëroi për një cunami duke u kërkuar banorëve të zonave të prekura nga tërmeti të rrinin larg brigjeve dhe plazheve pasi do të kishte dallgë jo të zakonshme.

Paralajmërimi u dha për 10 provinces dhe një qytet në rajonin e Mindanaos./ ATSH