Gazetari Jul Kasapi tha në një intervistë për “Review” se do të krijohet një kartel shqiptar në Dubai.
Sipas tij Dubai të jep komoditetin që narkotrafikantët të kontrollojnë trafikun e kokainës nga Amerika Latine në drejtim të BE-së.
“Në Dubai ka dhe një veçori tjetër, nëse ke një pasaportë të Bashkimit Evropian je i sigurt që nuk ekstradohesh nga Dubai. Ka ndodhur të paktën shumë raste, ka pasur dhe Belgjika dhe Holanda, megjithatë, përgjithësisht asnjë prej këtyre personave nuk është ekstraduar. Nga ana tjetër Dubai të ofron dhe komoditetin që unë nuk e di, ndoshta nesër pasnesër do të dëgjojmë dhe krijimin e ndonjë karteli shqiptar, sepse atje paska kaq shumë të cilët bashkëjetojnë dhe Dubai të jep mundësinë që ti të kontrollosh trafikun e kokainës nga Amerika Latine dhe më pas në drejtim të Bashkimit Europian,” – u shpreh Kasapi.
