Përmes një statusi në Facebook, sekretari i Përgjithshëm i PD, Gazment Bardhi komentoi vendimet politike të marra sot në mbledhjen e grupit parlamentar të PS-së, ku u zbuluan drejtuesit politikë në qarqe si dhe u vendos data për Asamblenë Kombëtare.
Ndërsa Rama tha se nuk i llogariste si kundërshtarë, Bardhi reagon dhe thotë se nga fronti i PS nuk kishte sot asgjë të re. Po sipas tij, Rama kërkon të marrë mandat të tretë duke graduar në këto poste ata që i quajti “hajdutë të vjetër”.
STATUSI I PLOTË:
Asgjë e re nga fronti i Edi Ramës: Me të njëjtën tufë hajdutësh kërkon të vjedhë Shqipërinë për herë të tretë.
Me të njëjtët njerëz, me të njëjtin model për të vjedhur.
Në Shkodër Ilir Beqjen, kryehajdutin e shëndetësisë së munguar për shqiptarët.
Në Tiranë, Elisën 5 milionë Euro, simbolin e korrupsionit në dogana dhe Veliajn e lavatriçes së pastrimit të parave, inceneratorëve, dhe vrasësit të Teatrit Kombëtar.
Në Lezhë, Linditën e arsimit që s’di këndim, që vulosi ligjin e arsimit të lartë për të falimentuar universitetet publike dhe iku me turp pas protestave të studentëve në gjithë vendin.
Në Elbasan, Taulant Ballën, garantin e banditëve, kumbarin e Toyota Yarisit dhe shokun e mafiozit Edmond Begos.
Në Vlorë, Damian Gjiknurin e dosjes së blerjes së votave dhe shitjes së unazës së re 20 milion euro/km, Tërmeti i votave të mafias mbi zgjedhjet.
Në Korçë, Niko Peleshin e shkarkuar për korrupsion, rrënuesin e Bujqësisë dhe kalbëzuesin e prodhimeve në ara.
Në Dibër, Olta Xhaçka, hajduten e tenderave të ushqimeve të familjeve në nevojë gjatë pandemisë.
Safet Gjicin që për tenderat e rilindjes konkurron me Safet Gjicin.
Rama, koka e korrupsionit 8 vjeçar kërkon me hajdutët e vjetër mandat të tretë.
