Një grup trafiku droge, që drejtohej nga një shqiptar është shkatërruar në Kolumbi. Autoritetet kolumbiane bëjnë të ditur se DEA amerikane ka arrestuar shtetasin shqiptar Agim Çerma, i njohur me pseudonimin “Jimmy”.
Bashkë me të janë arrestuar edhe katër anëtarë të bandës që merreshin me trafikun e drogës, arrestimi i tyre u bë me qëllim ekstradimi në SHBA.
Dyshimet janë se Çerma kishte marrë para në Europë për të blerë kokainën në zonat e prodhimit të paligjshëm në Cauca dhe për të garantuar transportimin e saj me fluturimet Chartes përmes aeroportit Alfonso Bonilla Aragón de Palmira (Valle del Cauca).
Sipas autoriteteve ka të dhëna se paratë kishin hyrë në Kolumbi përmes ndërmjetësve financiarë. Hetimet kanë zbuluar se Çerma dhe bashkëpunëtorët e tij kishin një grup të cilësuar me ‘Clan del Golfo’ në rajonin e Urabá dhe bashkëpunonin me grupe të tjera në zonë për të blerë lëndën narkotike.
William Cruz Pérez, i cili do të ishte njeriu i besuar i tij dhe personi i ngarkuar për koordinimin e blerjes dhe magazinimit të kokainës, dhe krijimin e vendeve për dorëzimin e parave.
Pedro Antonio Penagos Londoño, dyshohet se është përgjegjës për mbledhjen e drogës në ndërtesat pranë Aeroportit Alfonso Bonilla Aragón.
Jairo Fernando Cardona López, i akuzuar për kontakte me kontrollorët ajrorë dhe personelin e sigurisë nga terminali ajror për të lejuar hyrjen dhe daljen e kartave.
Edwin Durlandy Montilla González, allias Kimist, i cili dyshohet se merrej me përpunimin e klorhidratit të kokainës në laboratorët në Caucën veriore.
Në procesin e identifikimit dhe gjetjes së anëtarëve të dyshuar të këtij grupi të trafikut të drogës, u sekuestruan më shumë se 333 kilogramë kokainë dhe më shumë se 2,000 milionë pesos.
#ATENCIÓN | Desarticulada red narcotraficante, cuyo cabecilla sería un ciudadano albanés. Los 5 presuntos integrantes de la estructura, señalada de sacar cocaína de Colombia en vuelos chárter, fueron capturados con fines de extradición. pic.twitter.com/hh1uEDNCUJ
— Fiscalía Colombia (@FiscaliaCol) July 18, 2021
