Kryeministri në detyrë, Ramush Haradinaj, pas mbledhjes së Qeverisë ditën e sotme theksoi se taksa ndaj Serbisë nuk duhet të hiqet pa ndodhur njohja e Kosovës nga ky shtet fqinj, ndërsa shtoi se pëlqen idenë e reciprocitetit për çështje të tjera.
Haradinaj po ashtu vlerësoi se taksa, e vendosur një vit më parë ndaj mallrave serbe dhe atyre boshnjake, ka qenë e dobishme për ekonominë e Kosovës dhe konsolidimin e shtetit.
Masa 100 për qind ndaj mallrave që vinin nga Serbia dhe Bosnja, u vendos nëntorin e vitit të kaluar nga Qeveria Haradinaj dhe me vendosjen e saj u tha se ajo taksë do të hiqej vetëm pasi Serbia të njihte Kosovën. /KosovaPress/
Loading...
