Haradinaj ka thënë se është duke udhëhequr një qeveri të sfiduar pasi është në koalicion me disa parti.
“Qeverisja në vendin tonë është e sfiduar shumë, e udhëheqi një qeveri të koalicionit me disa parti dhe si e tillë është një qeveri e sfiduar edhe nga përbërja e vet. Ajo çka e ka sfidu më shumë është disa prej temave që i kam gjet në tavolinë”, ka thënë Haradinaj raporton lajmi.net.
Tutje, Haradinaj ka thënë se e ka porositur gjithë kabinetin qeveritar të mos ankohen për atë që kanë gjet në qeverisjen e mëhershme por të më tregojnë se çfarë po bëjnë prej kohës që i kanë marrë punët përsipër.
“Ka tema të mira të lezetshme por edhe problematike ju kam thënë të mos e fshehin asnjë temë. Ligji për Prishtinën ka qenë temë që është diskutu gjatë. Krejt temat e Kosovës të të gjitha natyrave të mundshme kemi fillu të merremi me to. Kështu këmi mrri ë disa tema që janë kardinale si te ligji i ushtrisë, ju e patë përfaqësuesin e Amerikës i cili dje në OKB tha se e mbështet krijimin e ushtrisë së Kosovës”, ka deklaruar kryeministri para studentëve.
Sipas tij, qeveria që e udhëheq nuk është perfekte pasi ka vërejtje dhe gabime.
“Por nuk jemi duke bërë diçka keq, është një qeveri që nuk iu ka frikësu temave. Tash e kemi INTERPOL-in, po përjetohet me emocione por kjo është mundësi që Kosova me luftu krimin. E kem liberalizimin e vizave që po punojmë në këtë temë. Te arsimi nuk kem arrit mjaftueshëm arsyet janë se në tavolinë kam gjet tema të mbi një dekade”.
Haradinaj ka thënë se Kosova ka interes të njihet nga Serbia.
“Kemi interes për njohje nga Serbia dhe duhet të negociojmë njohjen por me paprekshmëri të asaj që kemi krijuar. Nëse ndodhë e kundërta atëherë është e rrezikshme për vendin. Nëse nuk dimë më rujt atë që e kemi arrit, s’mund të ruajmë diçka të re”, ka përfunduar kryeministri. /Lajmi.net/
Të NgjajshmeIsh-pjesëtarët e TMK-së protestjnë te Ministria e Punës KDI: Bizneset po amnistohen për veprën penale të falsifikimit të dokumenteve gjatë tenderimit Thaçi ndau Medaljen Ushtarake për Shërbim në Kosovë për komandantin e KFOR-it Cristiano Ronaldo fejohet me Georgina Rodriguez Bullgaria: Gruevski nuk posedon pasaportë bullgare Bebe Rexha tregon qe sa vite nuk ka të dashur: A është kjo normale?
