Regjistrohet viktima e 20 nga koronavirusi ne Shqiperi.
Mbremjen e te shtunes 4 prill 2020, ka ndërruar jetë në spitalin e Shkodrës shtetasja me iniciale R.H.
Ajo u ekzaminua pozitiv me Covid-19 gjatë mbrëmjes së sotme, ku e infektuar rezultoi edhe motra e saj. 80 vjeçarja është viktima e parë e Covid-19 në Shkodër. Në total numri i viktimave nga koronavirus në vendin tonë ka shkuar në 20.
Viktima e 19
Nje tjeter paciente e semure me koronavirus ka nderruar jete mbremjen e te shtunes ne spitalin Infektiv ne Tirane. Lajmi u be me dije nga ministria e Shendetesise.
Ministria e Shëndetësisë: Ndërron jetë pacientja 84-vjeçare në spitalin Infektiv
Në spitalin infektiv ka ndërruar jetë nga infarkti kardiak një paciente 84-vjeçare nga Tirana, e konfirmuar me COVID19.
Pacientja me inicialet S.D, e shtruar prej 4 ditësh në spitalin infektiv kishte disa sëmundje bashkëshoqëruese: artrit reumatoid, fibrillation arterial dhe hipertension.
Pavarësisht përpjekjeve të mjekëve të Spitalit Infektiv për ta asistuar në kohë, pacientja nuk ia ka dalë të mbijetojë.
Ministria e Shëndetësisë dhe Mbrojtjes Sociale i shpreh ngushëllimet familjes së të ndjerës dhe i kërkon qytetarëve të vijojnë të respektojnë masat e distancimit social.
Është po kaq e rëndësishme që masat e kontrollit të infeksionit të respektohen maksimalisht edhe brenda rretheve familjare, duke shmangur vizitat tek të afërmit për çdo lloj arsye, për të parandaluar transmetimin e COVID-19.
Shënohet viktima e 18, 29 raste të reja me koronavirus, shkon në 333 numri i të prekurve
