Një ditë më parë u shpall fitues i zgjedhjeve të 25 prillit Partia Socialiste dhe kjo ka sjellë revoltimin e Partisë Demokratike. Për herë të parë ka ardhur edhe reagimi i Edi Palokës, i cili vazhdon të akuzojë kryeministrin Edi Rama si person që është lidhur me krimin.
“Beteja pёr demokracinë sapo ka filluar dhe ne do ta udhёheqim atё deri nё fitore! Edi Rama ka bashkёpunuar dhe vazhdon tё bashkёpunojё hapur me pёrfaqёsues tё krimit. Vangjush Dako, njeriu mё i afёrt i Ramёs nё Durrёs, nё listёn e Departamentit tё Shtetit Amerikan si figura mё e korruptuar dhe e lidhur me krimin nё Shqipёri, provokoi dhe fyeu kryetarin e Partisё Demokratike nё Durrёs, Z. Ferdinand Xhaferri. Ngjarja ndodhi nё ambjentet e Pallatit tё Sportit nё, ku numёroheshin votat e KZAZ 21 nё Durrёs. I shpallur non-grata nga SHBA, Dako nuk ka hezituar asnjё moment të tregojë se ai ёshtё kryetari real i PS-së në zgjedhjet e Durrёsit.
Sot fryma e ndryshimit ёshtё mё e madhe se asnjёherё tjetёr. Ne jemi mё tё fortё dhe mё tё vendosur se kurrё dhe me vendosmёri ne do tё luftojmё çdo ditё pёr tё mbrojtur demokracinё dhe për të sjellë sё bashku njё tё ardhme mё tё mirё pёr vendin tonё.
Ne do tё vazhdojmё tё luftojmё derisa demokracia tё fitojё”, deklaron Paloka.
