I arratisuri nga gjykata e Vlorës kapet në Athinë

Personi që ja doli një vit më parë të arratisej në mënyrë spektakolare nga salla e Gjykatës së Vlorës është vënë në pranga në Greqi.

Sipas policisë greke, Mikel Kasaj u arrestua në Athinë si pjesë e një grupi ku bënin pjesë 6 shqiptarë dhe 2 shtetas grekë.

Grupi akuzohet për grabitje të armatosura në pika karburanti dhe banesa.

Pas arrestimit u sekuestruan një automatik kallashnikov, dy pistoleta, një revolver, si dhe një sasi prej më shumë se 1 kg kanabis.

Kasa ja doli të arratisej nga Gjykata e Vlorës në momentin kur sapo atij po i komunikohej dënimi me 3.4 vite burg për pengmarrje./ Opinion.al