Një burrë është akuzuar se ka vrarë gruan e tij në mënyrë makabre, duke i copëtuar trupin.
Autori i krimit horror, i cili është identifikuar si Bart B., akuzohet se vrau partneren tij, Miranda Zitman, 52-vjeçe, në shtëpinë e tyre në Soest të Hollandës.
Bart B., ka mohuar vrasjen, duke deklaruar para gjyqtarëve se ajo u rrëzua tek shkallët, teksa po largohej nga banesa, pasi ishin bashkë në proces divorci.
Megjithatë, prokurorët, të cilët kanë kërkuar 20 vjet burg për të pandehurin, thanë se dëmtimet e viktimës nuk përputheshin me alibinë e bashkëshortit të saj, pasi nuk u gjet asnjë gjurmë gjaku.
Prokurorët besojnë se shkaku i vdekjes ishte një goditje në kokë. I pandehuri dyshohet se copëtoi trupin e saj përpara se t’i varroste ato.
Sipas mediave lokale, skeleti i viktimës u gjet në një valixhe të hedhur në det në Zuider Ijdijk në Amsterdam, ndërsa koka dhe krahët e viktimës u gjetën të varrosura në kopsht.
Këmbët e gruas ende nuk janë gjetur nga policia.
Sipas raportimeve, Bart B. vijoi të pretendonte se gruaja e tij ishte e gjallë për javë të tëra, pasi ajo u konfirmua si e zhdukur që prej janarit të vitit 2019.
Mediat lokale raportojnë se i pandehuri mendohet se u dërgoi mesazhe familjarëve dhe të afërmve të gruas në emër të saj.
Të njëjtat burime bëjnë me dije se nga llogaria e të ndjerës u transferuan 116 mijë euro në llogarinë e të pandehurit gjatë kohës që ajo ishte zhdukur.
Ai i tha gjykatës se ishte gruaja e tij që i kishte transferuar, por prokurorët dyshojnë se këtë gjë e kishte bërë i pandehuri.
Çifti kishin qenë së bashku për gati 20 vjet, por ajo kërkoi divorcin prej tij për shkak të një mosmarrëveshje të vjetër midis tyre.
Bart B. dëshmoi se ajo ra nga shkallët pasi paketoi çantat dhe vdiq menjëherë. Ai mohoi të ketë vrarë gruan e tij.
Vendimi për të pandehurin do të merret më 3 korrik.
Burimi: Mirror|Përktheu dhe Përshtati: JOQ Albania
