Gazetari i njohur britanik, Richard Quest, mundi koronavirusin, ndërsa tha se ndjehet me fat që simptomat e tij nuk kanë qenë shumë të rënda.
Ai tha se ka pasur kollë të thatë dhe ndjehej shumë i lodhur, por tha se kurrë nuk ka pasur vështirësi me frymëmarrjen.
Pasi arriti ta mundte virusin, ai tregon se i është nënshtruar rregullisht testin e antitrupave, duke theksuar se ndihej i sigurt kur kuptonte që trupi mund ta luftonte virusin nëse do të “ndeshej” sërish me të.
“Kur testi i fundit i antitrupave doli negativ, u shokova. Edhe pse nuk është ende e qartë nëse antitrupat ofrojnë vërtetë imunitet, unë i shikoja si një mburojë, dhe tani mbrojtja ime ‘magjike’ është zhdukur”, tha ai.
Gazetari thotë më tej se kur ja tha lajmin doktorit të tij, ai nuk i habit, duke i sqaruar se antitrupat zvogëlohen dhe dobësohen gjatë 90 ditëve dhe se askush nuk ka hetuar më tej në lidhje me këtë.
“Mjeku më sqaroi se kjo është vetëm gjysma e mekanizmit mbrojtës të trupit. Qelizat T, një pjesë e rëndësishme e forcës sulmuese të sistemit tonë imunitar, kanë memorien e virusit.
Ata do të qetësohen derisa trupi të vihet përsëri në kontakt me Covid-19, në të cilën moment sistemi imunitar do të digjet dhe do të fillojë të prodhojë antitrupa edhe një herë. Mjeku më tha se ka shumë shumë pak mundësi që unë të infektohem me COVID, por megjithatë, ndjek me përpikëri rregullat e thjeshta”, tha ai.
