Pak minuta para se te fitonin lirine dy shqiptarët që vuanin dënimin në burgun e Avellino të Napolit, pasi policia e burgjeve arriti të pengonte mëngjesin e kësaj të diele një prej arratisjeve më spektakolare të kohëve të fundit atje.
Skema e arratisjes ishte e ngjashme me atë të filmit të njohur “The Shawshank Redemption”, sepse edhe shqiptarët kishin hapur një vrimë në murin e qelisë së tyre.
Nëse në film, vrima mbulohej nga një poster, shqiptarët e maskuan hyrjen me atë që dukej si mur i vërtetë, por në realitet e kishin suvatuar me brumë, që të dukej sikur gjithçka ishte në rregull.
Pikërisht në çastin kur ata kishin mbërritur në fund dhe po hiqnin tullat e fundit të murit të jashtëm, u zbulua edhe plani i tyre, citon a2 cnn. Mediat italiane shkruajnë se njëri prej tyre duhet të vuante edhe 3 vite burg, ndërsa tjetri edhe 10.
