Itali – Picieri shqiptar humb jetën në aksident

Një 35-vjeçar shqiptar humbi jetën tragjikisht në një aksident në Itali mbrëmjen e djeshme, teksa po kthehej nga puna për në shtëpi.

Sipas mediave italiane, shqiptari ishte duke udhëtuar me një motorçikletë, kur u përplas nga një automjet në komunën Arezzo, përgjatë rrugës rajonale 71.

Ambulanca mbërriti në kohë por mjekët nuk kanë mundur të mbajnë në jetë të riun shqiptar.

Shqiptari ishte picier në një restorant dhe po kthehej në shtëpi. Po punohet për zbardhjen e rrethanave të aksidentit.